Azərbaycanın "İdman Paytaxtı"nın seçimi ilk dəfə 14 sentyabr 2023-cü il Azarbaycan Respublikasının Gənclər və İdman Nazirliyinin Kollegiyasının qərarı ilə təsdiq edilib.

“İdman Paytaxtı” iki il öncədən seçilir. Nazirlik seçim prosesini elan etdikdən sonra namizəd şəhərlər Əsasnamədə müəyyən olunmuş meyarlara uyğun sənədləri nazirliyə təqdim edirlər. Daha sonra Kollegiya iclasında namizəd regionların nümayəndələri təqdimatlarla çıxış edirlər. Təqdimatlardan sonra Kollegiya üzvləri müzakirə aparır və səsvermə yolu ilə qalib şəhər seçilir.

Qeyd edək ki, “İdman Paytaxtı” layihəsinin əsas məqsədi regionlarda idmana marağın artırılması, idmanın inkişafı və sağlam həyat tərzinin təbliğidir.

2024-cü il dekabrın 16-da Gənclər və İdman Nazirliyinin Kollegiya iclasında 2026-cı il üçün “İdman Paytaxtı”, həmçinin 2026–2027-ci illər üçün “Gənclər Paytaxtı”nın seçilməsi məsələləri müzakirə olunub.

Namizəd şəhərlərin nümayəndələri təqdimatlarla çıxış etdikdən sonra keçirilən elektron səsvermənin nəticəsinə əsasən Qazax 2026-cı il üçün “İdman Paytaxtı” seçilib.