Cüdo üzrə master-klas keçirilib
Avqustun 30-da Quba şəhəri, ASAN Xidmət Mərkəzinin qarşısında Quba-Xaçmaz Regional Gənclər və İdman İdarəsinin, Quba Rayon İcra Hakimiyyətinin, Azərbaycan Cüdo Federasiyasının birgə təşkilatçılığı, Azercell Telekom MMC-nin sponsorluğu ilə cüdo üzrə master-klas keçirilib.
“Quba - İdman Paytaxtı 2024” çərçivəsində keçirilən master-klasda cüdo üzrə olimpiya çempionları Elnur Məmmədli, Hidayət Heydərov və Zelim Kotsoyev və Quba-Xaçmaz regionun Xaçmaz, Quba, Qusar, Siyəzən və Şabran rayonlarından 500 nəfər cüdoçu iştirak edib.
Master-klas Azərbaycan Cüdo Federasiyasının prezidentinin müşaviri, dünya mükafatçısı Natiq Bağırovun rəhbərliyi ilə keçirilib.
