“İdman Paytaxtı”nın açılışı olacaq

Quba şəhəri 2023-cü il dekabrın 7-də Gənclər və İdman Nazirliyi Kollegiya iclasında keçirilmiş səsvermə nəticəsində 2024-cü il üçün Azərbaycanın idman paytaxtı seçilib.

“İdman Paytaxtı” çərçivəsində il ərzində Quba şəhərində bir çox idman yarış və tədbirləri keçiriləcək.

Yanvarın 15-də Quba şəhərində “İdman Paytaxtı”nın təqdimatı və açılış mərasimi təşkil olunacaq. Quba şəhərində, "ASAN xidmət"in qarşısında keçiriləcək tədbirdə hər kəs iştirak edə bilər. Tədbirdə Quba sakinləri ilə yanaşı ölkəmizin tanınmış idmançıları, idman ictimaiyyətinin nümayəndələri də iştirak edəcəklər. 

Quba-2024 "İdman paytaxtı"nın maskotu da tədbir iştirakçılarının görüşüünə gələcək.