Azərbaycan və Türkiyə milli amputant futbol komandalarının üzvləri ilə görüş keçirilib
Mayın 22-də Quba Rayon İcra Hakimiyyətinin başçısı İlqar Mahmudov 2024-cü ilin "İdman Paytaxtı" Quba şəhərində təlim-məşq toplanışında olan Azərbaycan və Türkiyə milli amputant futbol komandalarının üzvləri ilə görüş keçirib.
Görüşdən əvvəl İlqar Mahmudov Quba Olimpiya İdman Kompleksində Azərbaycan və Türkiyə milli amputant futbol komandasının təlim-məşq toplanışını izləyib və komanda üzvlərinə hədiyyələr təqdim edib.
Qeyd edək ki, Azərbaycan milli amputant futbol komandası iyunun 1-dən 8-dək Fransanın Evian şəhərində təşkil olunacaq Avropa çempionatının final mərhələsinə hazırlıq məqsədilə təlim-məşq toplanışları keçirir.
