“Sağlam həyat” avtomobili Qazax, Ağstafa, Tovuz, Şəmkir və Gədəbəy rayonlarında olub
Gənclər və İdman Nazirliyinin səyyar “Sağlam həyat” avtomobili iyunun 1-dən 5-dək Qazax–Tovuz regionu üzrə Qazax, Ağstafa, Tovuz, Şəmkir və Gədəbəy rayonlarında olub.
“Sağlam həyat” layihəsi çərçivəsində müxtəlif yaş kateqoriyalarından olan sakinlər idman qurğularında fiziki hazırlıq səviyyələrini sınayıblar. Sonda fəal və qalib iştirakçılara sertifikatlar təqdim olunub.
