"İdman Paytaxtı" Qazaxda səhər gimnastikası keçirilib
İyulun 3-də Qazax şəhər Heydər Əliyev adına Mədəniyyət və İstirahət Parkında səhər gimnastikası təşkil olunub.
Tədbir iştirakçıları ilə əvvəlcə sağlam həyat tərzinin və müntəzəm fiziki fəallığın əhəmiyyətinə dair maarifləndirici söhbət aparılıb. Daha sonra səhər gimnastikası hərəkətləri yerinə yetirilib, kross qaçışı təşkil olunub və sonda park ərazisindəki idman qurğularında məşqlər icra edilib.
Tədbirin keçirilməsində məqsəd əhali arasında sağlam həyat tərzinin təbliği, fiziki aktivliyin artırılması və idmana marağın daha da gücləndirilməsidir.
Səhər gimnastikasında ümumilikdə 33 nəfər iştirak edib.
